Pagmata ug Pakig-away
Christine Paula Love Bernasor
Kanus-a kita hingpit nga makamata?
Kanus-a kaha kita maluwas gikan sa atong mga kaugalingon sa bug-os na panimuot sa unsa mahitabo kon kita mapakyas?
Kita kaniadto suod nga higala sa kinaiyahan.
Karon nag-atubang kita sa iyang kasuko, sama sa atong labing daotan nga mga kaaway.
Ang ulan nga kaniadto nagpanalangin kanato, karon nagtunglo kanato.
Sa matag tulo sa ulan, usa ka kinabuhi mawala Naabhak atong puluyanan
Ang damgo sa artipisyal nga pag-uswag, Impyerno sa karon
Hinay-hinay mitakyap ang kangitngit sa iya. Ngánung mitam-ak ta aning dapíta?
Tambilágaw íyang panan-aw sa lúhà,
Ang pagluib nag-ab-ab sa íyang balatían Ang mga hakog sa gahom nagsunod sa kalaglagan. Ayaw patában sa itom na sulug.
Talikdi ang mga bisyu.
Patalinghúgi ang púlung sa yuta.
Súkul. Ábi na lang, daug na.