Ang Balahalang Sapa
Ava Arnejo
karon, ang balahalang-sapa ilang gitipi
giipisan nila ug hilo ang iyang mabitoong dughan
gigisi’g gilanit nila ang iyang mga sapang-ugat
hangtu’d nga kini nahiwa’g nabahin —
midagayday ang iyang dugo’ng-tubig isip pagpahasubo
hingyawaan sa pagtiyangis sa akong mga katigulangan
mikulikot nga daw usa ka halas ang kabusaw
daw lawum nga uwat sa kagun-ob sa gikalimtang kalikupan