May pag-asa pa
Anna Marie Turtor Tomagan
Bagyo, unos at kalamidad ang siyang dahilan
ng pagkasira sa ilang mga kabuhayan
Pero hindi ito kasalanan ng ating kalikasan
Kung bakit ito ay ating nararanasan
Kasalanan ito ng mga taong walang ginawa
kundi parusahan ang ating kapaligiran
At mundong ating kinatatayuan
Hindi pa huli ang lahat
Pwede pa tayong bumawi
Baguhin ang dapat baguhin
Ihinto ang dapat ihinto
Magtanim at pahalagan ang kalikasan
Itanim ang bawat pag-asa
na nais natin magbunga ng mapayapa
At malayo sa unos at maraming kalamidad na planeta